ព្រឹទ្ធការណ៍កីឡានៅកម្ពុជា

សូមស្វាគមន៍យ៉ាងកក់ក្តៅពីអ្នករៀបចំព្រឹត្តិការណ៍កម្ពុជា

គោរពជូនចំពោះដៃគូនិងអ្នកចូលរួមជាទីគោរព!

ក្នុងនាមក្រុមហ៊ុន Cambodia Events Organizer Co.,Ltd. ក៏ដូចជាគណៈកម្មាធិការរត់ម៉ារ៉ាតុង យើងខ្ញុំសូមថ្លែងអំណរគុណយ៉ាងជ្រាលជ្រៅបំផុត និងសូមថ្លែងអំណរគុណយ៉ាងស្មោះអស់ពីចិត្តចំពោះអ្នកចូលរួមនិងដៃគូទាំងអស់ជុំវិញពិភពលោក ដែលអស់រយៈពេលជាច្រើនឆ្នាំមកនេះ បានចូលរួម ក៏ដូចជាសហការក្នុងព្រឹត្តិការណ៍ជាបន្តបន្ទាប់របស់យើង ជាពិសេសព្រឹត្តិការណ៍កីឡានិងវប្បធម៌នៅកម្ពុជា។

ក្នុងនាមយើងខ្ញុំជាអ្នករៀបចំព្រឹត្តិការណ៍របស់គណៈកម្មាធិការជាតិអូឡាំពិកកម្ពុជា ដែលមានបទពិសោធន៍ជាច្រើនឆ្នាំក្នុងការរៀបចំព្រឹត្តិការណ៍ រួមជាមួយនឹងបណ្តាញអន្តរជាតិដែលមានជំនាញវិជ្ជាជីវៈរបស់យើង យើងខ្ញុំបានរៀបចំព្រឹត្តិការណ៍កីឡាដ៏ល្បីល្បាញជាច្រើនដូចជា ការរត់ពាក់កណ្តាលម៉ារ៉ាតុងអន្តរជាតិអង្គរវត្ត, ការរត់ពាក់កណ្តាលម៉ារ៉ាតុងអន្តរជាតិខេត្តព្រះសីហនុ, ការរត់ម៉ារ៉ាតុងពេញអង្គរ, ការរត់ពាក់កណ្តាលម៉ារ៉ាតុងអន្តរជាតិភ្នំពេញ, ការរត់តន្រ្តីពេលរាត្រីក្នុងក្រុងអង្គរ, ការរត់របស់ស្ត្រី 10K ជាដើម… និងកម្មវិធីអាហារពេលល្ងាច Angkor Night Gala ផ្សេងទៀតនៅអង្គរវត្ត, អង្គរធំ... នៅខាងក្នុងទីតាំងបេតិកភណ្ឌពិភពលោក។

យើងខ្ញុំបានធ្វើការយ៉ាងពេញទំហឹងជាមួយក្រសួងទេសចរណ៍, ក្រសួងអប់រំ យុវជន និងកីឡា, ក្រសួងវប្បធម៌ និងវិចិត្រសិល្បៈ និងអង្គការក្រៅរដ្ឋាភិបាលដទៃទៀត ដើម្បីបង្កើតព្រឹត្តិការណ៍និងសកម្មភាពវប្បធម៌ប្រកបដោយអត្ថន័យសម្រាប់ប្រជាជនកម្ពុជា ក៏ដូចជាអ្នកចូលរួមអន្តរជាតិ។

ជាមួយនឹងគោលបំណងចម្បងក្នុងការកសាងអនាគតដ៏ល្អប្រសើរសម្រាប់យុវជនជំនាន់ក្រោយរបស់យើង យើងខ្ញុំព្យាយាមឱ្យអស់ពីសមត្ថភាពដើម្បីនាំយកការយល់ដឹងជាក់ស្តែងពីការស្រឡាញ់ធម្មជាតិនិងបេតិកភណ្ឌវប្បធម៌ ការការពារបរិស្ថានដើម្បីថែរក្សាភពផែនដីរបស់យើង និងដើម្បីសុខុមាលភាពរបស់មនុស្សជាតិ តាមរយៈព្រឹត្តិការណ៍កីឡានិងវប្បធម៌ដល់ប្រជាជនកម្ពុជា ហើយតាមរយៈសកម្មភាពទាំងនេះ យើងខ្ញុំបានកសាងមូលនិធិសប្បុរសធម៌ដើម្បីគាំទ្រកុមារក្រីក្រនៅក្នុងមន្ទីរពេទ្យ ជនពិការ ជនរងគ្រោះដោយសារមីន តាមរយៈអង្គការសប្បុរសធម៌ និងដៃគូអង្គការក្រៅរដ្ឋាភិបាល។

នៅទីបញ្ចប់ យើងខ្ញុំសូមថ្លែងអំណរគុណយ៉ាងកក់ក្តៅបំផុត អរគុណ និងកោតសរសើរយ៉ាងខ្ពស់បំផុតចំពោះម្ចាស់ជំនួយ ដៃគូ អ្នកចូលរួមនៅក្នុងប្រទេស និងមកពីជុំវិញពិភពលោកដែលបានមកជាមួយយើងខ្ញុំ ដើម្បីកសាងអនាគតដ៏ល្អប្រសើរសម្រាប់ប្រទេសកម្ពុជា។

សូមជូនពរឱ្យអ្នកទាំងអស់គ្នាជួបតែសេចក្តីសុខ!