សួស្តីឆ្នាំថ្មីប្រពៃណីជាតិខ្មែរ

ពិធីបុណ្យចូលឆ្នាំថ្មីប្រពៃជាតិនឹងប្រព្រឹត្តទៅក្នុងរយះពេល ៣ ថ្ងៃទី ១៤ ១៥ ១៦ ខែមេសា ២០២៤ ថ្ងៃទី ១: មហាសង្ក្រាន្ត, ថ្ងៃទី២ ជាថ្ងៃ វនបត, ថ្ងៃទី៣ ជាថ្ងៃឡើងស័ក។

-ថ្ងៃទី១៖ មហាសង្រ្កាន្ត

ជាថ្ងៃដំបូងនៃថ្ងៃចូលឆ្នាំខ្មែរ ដែលប្រជាជនខ្មែរបាននាំគ្នារៀបចំផ្ទះសំបែង ផ្លែឈើសែនទទួលទេវតាឆ្នាំថ្មី ។ ក៏ដូចជាប្រគេនចង្ហាន់ ភេសជ្ជះដល់ព្រះសង្ឃ ពេលល្ងាចជញ្ជូនខ្សាច់សាងវាលុកចេតិយ និមន្តព្រះសង្ឃ ចម្រើនព្រះបរិត្ត សម្ដែងធម៌ទេសនា។

-ថ្ងៃទី២៖ វារៈវនបត

កូនចៅជូនសំលៀកបំពាក់ នំចំណី លុយកាក់ ដល់អ្នកមានគុណ មានឪពុកម្តាយ ជីដូនជីតា... ពេលរសៀលពូនភ្នំខ្សាច់ សូត្រធម៌អធិដ្ឋានភ្នំខ្សាច់ ហើយនិមន្តព្រះសង្ឃបង្សុកូលចេតិយ

-ថ្ងៃទី៣៖ វារៈឡើងស័ក

និមន្តព្រះសង្ឃឆ្លងភ្នំខ្សាច់ ពេលល្ងាច និមន្តព្រះសង្ឃស្រង់ទឹកនិងស្រង់ព្រះពុទ្ធរូប ។ លេងល្បែងប្រជាប្រិយកំសាន្ដសប្បាយជាច្រើនដូចជាលេង បោះអង្គញ់ ចោលឈូង ទាញព្រ័ត្រ លាក់កន្សែង របាំត្រុដិជាដើម។